ENSIN DULDA, D'ESTI chef pue dicise que se fizo a sigo mesmu. Con una sólida formación, como suel dicise, “dende abaxo”, Miguel entama la so andadura na hostelería nel restorán familiar, De Labra. N’acabando los estudios de Bachilleratu, treslládase a Londres pa trabayar nel restorán La Viña, en Paddington Street, y d’ehí va a Barcelona col envís de siguir formándose. Pa ello, cursa'l grau superior en Restauración y tamién el d'Enoloxía y Cata de la Escuela Superior d’Hostelería de Barcelona, estudios que compaxinó con trabayos en dellos restoranes tanto en cocina como en sala. Ya inclusive l'últimu añu fizo un stage nel Hotel Olivia Plaza p'adquirir conocimientos n'Hotelería, revenue managment, direición, etc... En 2011, la so carrera diríxese a EE.XX, concretamente Nueva Orleans, pa trabayar nel Bourbon Orleans Hotel (estancia que se prollongó más de lo previsto al ser ascendíu). Acabáu esti periodu, Miguel instálase en Dubái, onde collabora como xefe de cocina nel nomáu restorán Seville’s, de Mariano Andrés (hermanu del perconocíu chef José Andrés). Tres la desgraciada muerte del so tíu, encargáu del negociu familiar, el mozu Miguel vuelve p’Asturies y ponse al frente del De Labra. Equí, esti chef, que dende llueu pue presumir de tener una más que completa formación en tolos campos de la restauración, fai más que dirixir l’establecimientu, yá que ye’l responsable de diseñar la carta y los platos sí, pero tamién de decidir la carta de vinos, controlar los costes de cocina, realizar la xestión contable y amás, diseñar les campañes de marketing, ente otres funciones.
Más info