"LA VERDADERA TRESFORMACIÓN nun entama'l día que cambies la to forma de comer, sinón el que camuda la to forma de pensar", asegura nuna entrevista con Efe. La moza zaragozana subió va un añu y mediu a una rede social la foto del enantes y depués de perder cincuenta kilos, al pasar de 102 a 52, y entamó a recibir comentarios de sorpresa y entrugues acerca de cómo lo fixera, polo que s'embarcó na aventura d'escribir un blog, que cuenta con más de 2.000.000 de visitantes y de 40.000 siguidores. Depués llegó'l llibru, porque foi "una necesidá personal" xuntar tolo que sabía, qu'estructuró en tres partes "mui diferenciaes: la mental, la nutrición básica y les recetes saludables", desplica. Ella empecipió'l el camín d'una vida sana cuando un día, depués que'l so sobrín la ficiera reflexonar, miróse nel espeyu y diose cuenta de que tenía que camudar: "Tengo un problema, tengo que camudar el mio cuerpu pero tamién la mio mente, quereme", dixo entos. "Onde entama'l problema ye malcomiendo, la xente refúxase na comida y esa nun ye la salida", asegura l'autora, que ganó munchu pesu tres un fracasu sentimental. ¡Calca y vive sano! nun contién fórmules milagroses nin médiques, pero sí les claves pa que la esperiencia de l'autora nos valga d'estímulu: reconocer que tenemos un problema ye'l primer pasu pa deprender a vivir d'otra manera y mantener les pautes adquiríes pa siempre. Porque la verdadera tresformación nun entama'l el día que cambies la to forma de comer, sinón el que modifiques la to forma de pensar.
Más info
Haz click y vive sano. Editorial Hércules
Haz click y cocina sano. Editorial Hércules