ALAN GARCÍA REPRESENTA la tercer xeneración del pan de Manín y la primer xeneración de la llinia de postres de la Panadería Artesana Manín (Cangas del Narcea). Crióse ente fogaces y fornos de lleña; dende bien pequeñu tuvo claro que quería ser panaderu. Precisamente, los sos profesores y compañeros de clase siempre-y recuerden cola fras "quiero ser panaderu". El propiu Alan describe d’esta forma la so visión de la profesión: "Güei soi panaderu y pasteleru, cola cantidá xusta de zucre, tanto pal pan como pal dulce. Digo esto porque anguaño, a vegaes, resulta difícil alcontrar un pan natural y ensin zucre, y tampoco soi partidariu de los postres desaboríos de cualquier tastu que nun seya zucre. Ente la fariña siempre toi yo y los mios principales ingredientes: pasión, constancia, tradición y anovamientu".
Más info