“La vida ye suañu y los suaños, suaños son”. Yume significa “suañu” y d’esta manera naz esti restorán, faciendo realidá los suaños de caún de los integrantes del so equipu.
Adrián San Julián ye’l Xefe de Cocina. Fiel a principios y creativu. Llega a la familia dende más de 5 años, cuando llegó a Asturies pa facer les sos práutiques, y equí quedó. Formó parte del equipu de D´Miranda nes diferentes etapes de La Cruz d’Illes (Castrillón) y nel Centru Niemeyer (Avilés). Cocineru de vocación, creativu, siente pasión pola alta cocina y de vanguardia. Los sos referentes gastronómicos son Ferran Adrià y Andoni Luis Aduritz, más allá de poles sos recetes, pola so filosofía de trabayu. Pasó per munches cocines y la so esperiencia a lo llargo de los años fízo-y tener claro lo que quier na suya. En Yume espeya les sos idees.
- Meyor Cocineru Mozu d’España (2014).
- Semifinal Cocineru del añu (2015).
- Campeonatu de tapes d’Asturies I+D (2016).
- Caldereta de Don Calixto al Cocineru mozu (2016).
Iratxe Miranda ye la perfeuta direutora d’orquesta. La Xefa de Sala mima al so equipo de la mesma manera que cuida que cada mesa tea preparada y a puntu pa recibir a los comensales. Enamorada de los detalles y del bon gustu, la decoración ye la so pasión. Ye otru exemplu de cómo a vegaes la vida te coloca ensin sabelo nel llugar nel qu’has de tar. Empezó ayudando a Koldo Miranda col montaxe y organización de les bodes y eventos qu’entamaba, ponía’l sellu en too aquello que preparaben. Col tiempu decatóse que quería involucrase más y empezó a ser el filu direutu ente cocina y mesa. Présta-y el contautu coles persones y cuida qu’un bon platu tovía ye mejor cola información y tratu afayadizos. Más anfitriona que camarera, intenta qu’en Yume la xente esfrute de la comida ensin sentise fuera de llugar. Una sinfonía de tastos, colores, golores y testures perfeutamente compuestos y executaos col ritmu y el tempo afayadizos. Tastos d’Asia con materia primero de cercanía y de temporada. Procuru n’ingredientes y les téuniques, meciendo tradición y anovación. Un equipu mozu y con munches ganes, un conceutu y una filosofía bien clara. Eso y más ye Yume.
Más info